Сенаторлар давлат бюджетига ўзгартишлар киритиш орқали Энегретика вазирлигига «республика истеъмолчиларнинг эҳтиёжларини қондириш мақсадида табиий газ сотиб олиш ва сотишнинг ўртача баҳосидаги фарқни қоплаш учун субсидия» сифатида 1 трлн сўм ажратишни маъқуллади.
Осиё тараққиёт банки кўмаги билан Жиззах вилоятида 220 кВ кучланишли «Зафаробод» рақамли подстанцияси қурилади. Подстанция 2023 йилда фойдаланишга топширилади. Унинг қурилишида тендерда ғолиб бўлган Хитойнинг «Shanghai Electric Group Co.,Ltd» компанияси иштирок этади.
Энергетика вазирлиги томонидан ўтказилган рейд тадбирларида 22 кун ичида Наманган ва Андижон вилоятлари аҳолисининг бир кунлик истеъмолига тенг миқдордаги табиий газ ўғирлангани аниқланди. Ноқонуний фойдаланиш даврида тадбиркорлар жами 3,8 млрд сўмлик зарар етказган.
Энергетика вазирлиги маълумотига кўра, 9 ой ичида 77 млрд 877 млн сўмлик табиий газдан ноқонуний фойдаланилган. Бу 40 мингта хонадоннинг қарийиб 1 йиллик истеъмоли дегани. Вазирлик 4 кун ўтказилган рейднинг ўзида 67 та ҳолатда табиий газдан ноқонуний фойдаланилганини аниқлаган.
Давлат статистика қўмитаси маълумотларига кўра, Ўзбекистонда йил бошидан бери бензин нархи 28,2 фоизга ошган. Хусусан, ижтимоий тармоқлар фойдаланувчилари асосан Аи-91 нархи 8100 сўмгача ошгани ҳақида изоҳлар қолдиришмоқда. Энергетика вазирлиги Аи-80 нархи ички бозордаги интервенция ҳисобига ушлаб турилганини, Аи-91, Аи-92, Аи-95 нархи эса жаҳон нефть бозорига боғлиқ эканлигини маълум қилди.
Энергетика вазирлиги Наманган, Бухоро ва Хоразм вилоятларида умумий қуввати 500 МВтга тенг бўладиган учта фотоэлектростанциялар қуриш бўйича тендерни эълон қилди.
Ўзбекистон энергетика соҳасининг фахрий ходими Руслан Мубаракшин 59 ёшида вафот этди. У 2021 йил февралдан ҳозирга қадар «Чирчиқ трансформатор заводи» AЖ бош директори лавозимида фаолият юритиб келаётган эди.
Электр таъминотидаги узилишларга 1−3 июнь кунлари қатор ҳудудларда кузатилган кучли шамол ҳамда ҳавонинг сезиларли исиши натижасида электр энергиясига талаб ошгани сабаб бўлди, дея маълум қилди Энергетика вазирлиги.
Саудия Арабистонининг «ACWA Power» компанияси кўмагида Қорақалпоғистонда қуввати 1500 МВт эга шамол электр станцияси қурилади. Мазкур лойиҳа тахминан 4 млн хонадоннинг электр энергиясига бўлган эҳтиёжини қондириб, йилига тахминан 2,5 млн тонна карбонат ангидрид газини қоплаши кутилмоқда.
Ўзбекистонда Франциянинг EDF компанияси билан ҳамкорликда илк гидроаккумуляция электростанцияси (ГАЭС) қурилади. Тошкент вилоятининг Бўстонлиқ туманида қурилиши режалаштирилаётган Хўжакент ГАЭСнинг лойиҳавий қуввати 200 МВт га тенг.
Ўзбекистонда қайта тикланувчи энергия манбалари ва водород энергетикасини ривожлантириш мақсадида Энергетика вазирлиги ҳузурида Қайта тикланувчи энергия манбалари миллий илмий-тадқиқот институти ташкил этилади.
4 апрель куни Сурхондарё вилояти Қумқўрғон туманида кучли ёғингарчилик ва шамол оқибатида «Сурхон» ва «Ғузор» подстанциялари оралиғидаги ҳаво электр узатиш тармоғининг иккита таянчи қулаган эди. 7 апрель куни мазкур таянчларни тиклаш ишлари якунланиб, электр узатиш тармоғи қайта тикланди.
Монополияга қарши курашиш қўмитаси Энергетика вазирлигининг тадбиркорларнинг электр тармоғига уланиши учун бир марталик 14,7 млн сўмгача бўлган тўловни жорий этиш тўғрисидаги ҳужжат лойиҳасини келишилмаганини маълум қилди. Лойиҳанинг дастлабки версиясида тўловлар камроқ миқдорда бўлган, қолаверса, унда маиший истеъмолчиларнинг ҳам тўлов қилиши назар тутилган эди.
Энергетика вазирлиги ишлаб чиққан маъмурий регламент лойиҳасида қуввати 50 кВтгача бўлган истеъмолчиларни (маиший истеъмолчилардан ташқари) тармоққа улаш учун 14,7 млн сўмгача миқдорда бир марталик тўлов жорий этиш таклиф қилинмоқда.
Президент фармони лойиҳасига мувофиқ, 1 мартдан газ импорти учун белгиланган божхона божини бекор қилиш, электр энергияси ва газ улгуржи бозорини шакллантириш орқали соҳадаги монополияни бекор қилиш режалаштирилмоқда.
Қуйи палата депутати Дониёр Ғаниев энергия инқирози даврида уйини исита олмаган, фаровон ҳаётини таъминлашга имконияти бўлмаган одамларга ислоҳотларнинг нима кераги бор, деган саволни ўртага ташлади. У бунда айбдор раҳбарлар истеъфоси энг мақбул йўл эканини қайд этди. «Аслида демократик давлатларда бундай инқирозлар ортидан раҳбарлар ўз ихтиёри билан истеъфо беради», — деди депутат.
Магистрал газ қувурларида газ босимини тиклаш учун 4 январдан бошлаб Ўзбекистоннинг аксарият газ қуйиш компрессор шоҳобчалари (АГҚШ) чекланган режимда ишлайди. Энергетика вазирлигининг таъкидлашича, ёқилғи қуйиш шоҳобчалари фақат соат 5:00 дан 15:00 гача ишлайди.
Энергетика вазирлигининг хабар беришича, АСКУЭ тизими истеъмолчиларнинг 100 фоизини қамраганидан сўнг тўлиқ тартибда ишлай бошлайди. Бугунги кунгача 72% истеъмолчиларга ушбу турдаги ҳисоблагичлар ўрнатилган. Ушбу тизимга тўлиқ уланиш 2021 йил апрелигача режалаштирилган.
Электр энергия тармоқларидаги узилишлар бўйича келиб тушаётган мурожаат ва шикоятлар бўйича энергетика вазири ўринбосари муносабат билдирди. Унинг сўзларига кўра, етишмовчиликларда ҳудудий электр тармоқлари операторининг айби йўқ. «Аслида йўқ нарсани улар топиб бера олишмайди», — деди у.
Совуқ об-ҳаво туфайли электр энергияси истеъмолининг кескин ортиши таъминотда узилишларга олиб келади, дея маълум қилди Энергетика вазирлиги. Шу билан бирга, қисқа муддатли узилишлар тизимдаги катта аварияларнинг олдини олишга имкон бериши таъкидланди.
Қўшимча имкониятларга эга булиш учун сайтда рўйхатдан ўтинг